百樂柒喜送雞迎狗發發馬: 第五場4號, 第七場8號, 恭喜恭喜!
百樂柒喜知道又有泥地賽, 梗係即時為大家報料, 首先揀嚟第五埸 4號 厚利多 ,
喺上星期走咗一課千米草閘, 沿途都係於一二位前領, 拍跳時間亦見進步, 而睇番早晨操練, 呢隻馬更係做咗超過卅課踱步同水閘, 可謂游水都游到 fit , 故此要特別介紹呢隻 厚利多, 希望大家收錢嘅時候請百樂柒喜食番件"厚多".
而發馬推介, 搵嚟第七場 8號 風雲王子, 百樂柒喜本來想搵阿"志偉"問下隻馬嘅進度, 點知原來佢轉投咗第二個馬房, 訪問留番下次, 睇過月初 風雲王子 同 爆冷 拍跳, 走勢係相當唔錯, 加上呢個約翰馬房力追另一個約翰馬房嘅頭馬數目, 故此一於推介呢隻發馬, 第七場 8號風雲王子. 係, 係, 要講返下劉錦, 佢話正係要搵d禮物送俾大家, 今次叫人留意 4, 5 號排檔.
好啦, 又搵料路!
